06 июля 2011 г.
Эсир хăвăра ăçта тата хăш вăхăтра çухатнине пĕлетĕр пулсан, хăюллăн хăвăра çак пурнăçра шыраса тупма пултаратăр.
Чи малтан ручка тата хут листи илĕр. Хута виçĕ пая уйăрăр.
Пĕрремĕш пайĕнче çак пурнăçра хăвăра мĕн килĕшменнине çырса тухăр. Сăмахран: хăрани, тарăхни, пушă вăхăт çукки, интереслĕ мар ĕç, юрату çукки тата ытти те.
Иккĕмĕш пайĕнче хăвăра савăнтаракан, шанчăк паракан туйăмсем çинчен çырăр. Сăмахран, килти ĕçсем пирки, ачасемпе выляни, ĕçре çĕнĕ шухăшсем çурални, ырă туни, спорта юратни тата ытти çавна пĕлтерĕшлĕ пулăмсемпе самантсем çинчен.
Хут листин виççĕмĕш пайне вара хăвăр пурнăçра мĕн çинчен ĕмĕтленнине çырса кăтартăр (юлташсемпе хула тулашне канма кайни, интереслĕ çĕнĕ ĕç, спортпа туслă пулни).
Кайран мĕн çырнине тимлĕн вуласа тухăр, çакă хăвăра пурнăçра шыраса тупма пулăшĕ. Хут листин пĕрремĕш пайĕнче çырнă кашни негативлă (хирĕçле) фактор патне çак ыйту çине хуравлăр: «Хамăн пурнăçра çаксем ан пулччăр тесен манăн мĕн тумалла;». Виççĕмĕш пайĕнче кăтартнă кашни лайăх пулăм патне çак ыйту çине хуравлăр: «Ман пурнăçра çаксем пулччăр тесен мĕн тумалла;»
Хăш-пĕр пурнăçламалли япаласем сирĕнтен нумай вăй-хал тата вăхăт ыйтма пултараççĕ. Анчах та эсир çакăнтан ан хăрăр. Чи кирлине – сирĕн ăçта каймаллине, пĕлетĕр. Унсăр пуçне, пĕрремĕш пайра çырнă хут çинче хăвăр пурнăçра пачах улăштарайман япала е вĕсене халех пурнăçра улăштарма хатĕр мар пулăмсене асăрхама пултаратăр. Ун пек чухне сирĕн çавăн патне хутшăнусене тĕппипех улăштармалла. Хăвăра валли лайăх енсене тупмалла. У.Шекспир каланă сăмахсене тĕпе хурăр: «Пурнăçра лайăххи тата япăххи çук, пурте эпир ку е вăл япала çине мĕнле пăхнинчен килет».