09 июля 2011 г.
Районти мĕн пур категориллĕ хуçалăхĕсенче иртнĕ ултă уйăхра пурĕ 1664 тонна аш-какай, 12602,2 тонна сĕт туса илнĕ. Пĕлтĕрхи çак тапхăртипе танлаштарсан, аш-какай енĕпе кăтарту 3,9 процент, сĕтпе 2,3 процент ÿснĕ. Кашни ĕнерен 2400 килограмм, пĕлтĕрхинчен 71 килограмм сахалрах сĕт суса илнĕ. Сĕт туса илессипе «Новый путь» , «Звезда», Ульянов ячĕллĕ хуçалăхсем, аш-какай туса илессипе «Новый путь» ял хуçалăх предприятийĕ лайăх ĕçленĕ.
Июлĕн 1-мĕшĕ тĕлне илес пулсан, мĕн пур категориллĕ хуçалăхсенче ĕне выльăхсем 11473 пуç, çав шутран ял хуçалăх предприятийĕсенче 2476 пуç шутланнă. Ĕнесем пурĕ 5815 пуç, хуçалăхсенче – 915 пуç. Сыснасем 2813 пуç пулсан, ял хуçалăх предприятийĕсенче 1058 пуç шутланаççĕ. Сурăхсен хисепĕ 10265 пуçпа танлашать, хуçалăхсенче – 353 пуç. Ĕне выльăхсен йышĕ «Авангард», «Звезда», «Алмаз» хуçалăхсенче ÿснĕ.
Ял хуçалăх предприятийĕсенче ĕне выльăхсем талăкра 501-шер грамм, сыснасем 465-шер грамм ÿт хушнă. Ĕне выльăхсене хушăнтарса пырассипе «Алмаз», «Новый путь» хуçалăхсен кăтартăвĕсем пысăк.
Çур çулта пурĕ 525 пăру, 928 çура илнĕ.
Н.ИГНАТЬЕВА,
ял хуçалăх пайĕн специалисчĕ.