09 июля 2011 г.
«Поддержка» ятлă страховани компани представителĕсем уйрăм çынсене çурт-йĕре, пурлăха, автотранспорта тата ыттине страхлама сĕнеççĕ. Анчах асăннă компани пурлăхне арестлени çинчен сас-хура çÿрет. Вĕсен ĕçĕ саккунлă-и, компани панкрута тухман-и;
Мăн Вылăра
пурăнакансем.
«Поддержка» патшалăх страховани компанийĕ» ОАОн пурлăха страхламалли яланхи лицензи пур. Ăна РФ 1992 çулхи ноябрĕн 27-мĕшĕнче йышăннă «Раççей Федерацийĕнчи страховани ĕçне йĕркелесси çинчен» 4015-мĕш номерлĕ саккунăн 6 статйин 1-мĕш пайĕпе килĕшÿллĕн 2009 çулхи пуш уйăхĕн 16-мĕшĕнче панă. «Поддержка» патшалăх страховани компанийĕ» ОАОна страховани ĕçĕн субъекчĕсен патшалăх пĕрлехи реестрне кĕртсе регистрациленĕ. Реестрта кăтартнă тăрăх страхованин 14 тĕрлĕ ĕçне пурнăçлама пултарать: инкек-синкекрен тата чир-чĕртен страхласси, медицина страхованийĕ, ял хуçалăх страхованийĕ, уйрăм çынсен пурлăхне страхласси тата ытти те. Раççей Федерацийĕн «Раççей Федерацийĕн страховани ĕçне йĕркелесси çинчен» саккунĕн 3-мĕш статйин 3-мĕш пайĕпе килĕшÿллĕн граждансем, юридици сăпачĕсем хăйсен ирĕкĕпе страховани тăвасси страховани килĕшĕвĕн тата страхламалли прависен никĕсĕ çинче пурнăçланса пырать. Çапла вара хăйсен ирĕкĕпе страховани тăвасси кашни гражданинăн тивĕçĕ мар, ирĕкĕ шутланать.