13 июля 2011 г.
2010 çулта Ураскилт ял тăрăхĕнче «Золотое Руно» Агрофирма» ĕçлеме пуçланă. Чи малтанах ахаль выртакан çĕрсене усă курасси çине пысăк тимлĕх уйăрнă, унпа пĕрлех сурăхсем усрамалли фермăра та юсав ĕçĕсем пынă. Пĕлтĕр сентябрь пуçламăшĕнче ку фермăна 206 сурăх илсе килнĕ. Çынсене ĕçе илнĕ.
Паянхи кун хуçалăхра сурăхсен пуçĕ виççĕре çитет. Пĕлтĕрхипе танлаштарсан 94 пуç ÿснĕ. Ултă уйăхра 61 путек илнĕ.
Халĕ «Агрофирмăра» апат хатĕрлессипе ĕçсем пыраççĕ. 30 тонна хатĕрленĕ те ĕнтĕ.
Хуçалăхра сурăхсене ĕрчетмелли фермăна реконструкцилесси планра тăрать. «Золотое Руно» Агрофирма» тата 200 пуç туянасшăн.
Районта сурăхсене ĕрчетни хуçалăха отрасль шайĕнче çирĕпленсе юлма пулăшать.
А.СИЛИВЕСТРОВА.