13 июля 2011 г.
Пĕр-пĕрне хисеплесе чăмăртаннă çемье чи çирĕппи шутланать. Телейлĕ çемьере ырлăх хуçаланать. Иртнĕ кунсенче Элĕкри культурăпа кану центрĕнче Çемье, юрату тата шанчăклăх кунне халалланă уяв иртрĕ.
Чăваш Ен Патшалăх Канашĕн пресдседателĕн çумĕ Владимир Мидуков тата Элĕк район администрацийĕн пуçлăхĕ Леонид Читнаев пĕрле нумай çул пурăнакан çемьесене «Юратупа шанчăклăхшăн» медальпе чысларĕç.
Ыттисемшĕн тĕслĕх пулса тăраканнисенчен – Яковлевсен, Ивановсен тата Герасимовсен çемйисем пулса тăчĕç. Вĕсем 50 çул ытла пĕрле пурăнаççĕ. Пур çемьере туслăх тата килĕшÿ хуçаланать. Вĕсем çирĕп çемье çавăрнă, ачисене ĕçе юратма, çынсене хисеплеме, усала ырăпа тавăрма вĕрентнĕ.
Какаç ялĕнчи Григорьевсем виççĕмĕш ачашăн Амăшĕн капиталĕн сертификатне илчĕç.
(Вĕçĕ 2-мĕш стр.).