13 июля 2011 г.
Питĕшкассинче те, таврари ялсенче те Павловсене лайăх пĕлеççĕ. Кил хуçалăхне çирĕп тытса пыраççĕ вĕсем, кÿршисемпе ял çыннисене кирек хăш вăхăтра пулăшма та ÿркенсе тăмаççĕ.
Çемье пуçĕ Георгий Петрович ветеринари енĕпе аслă пĕлÿ илнĕ, хальхи вăхăтра районти потребительсен обществин аптека заведующийĕнче ĕçлет. Мăшăрĕ Альбина Леонидовна, ачаранах выльăх тухтăрĕ пулас ĕмĕтне пурнăçланă, хальхи вăхăтра вăл – Крымсарайккăри ветучастокĕнчи ветеринари фельдшерĕ.
Павловсем 6 ача пăхса ÿстереççĕ. Аслă хĕрĕ Екатерина – райпон медицина аптекин ертÿçи. Иккĕмĕш хĕрĕ Елизавета та аслисен çулĕпех кайнă, вăл Элĕкри ветеринари станцийĕнче тимлет. Тепĕр хĕрĕ Елена – райпон бухгалтерийĕн ĕçченĕ. Ывăлĕ Гермоген анчахрах Раççей çарĕнче хĕсметре пулчĕ, ĕçленĕ хушăрах аслă шкулта малалла вĕренет. Михаил кăçал 11-мĕш класран вĕренсе тухрĕ. Чи кĕçĕнни – Гавриил – çĕнĕ вĕренÿ çулĕнче 4-мĕш класра пĕлÿ пухма тытăнать.
Çакăн пек туслă та килĕшÿллĕ çемье пурăнать Питĕшкасси ялĕнче.
Л.ИВАНОВ