13 июля 2011 г.
Кăçалхи утă уйăхĕн пиллĕкмĕшĕнчен пуçласа республикăра тата район территорийĕнче «Регистраци палли» мероприятин вунă кунлăхĕ (декадник) иртет. Çакна асăнса хăвармалла. Фотофиксаципе усă курни çул-йĕр çинчи аварисен шутне чакарма тата вĕсене тупса палăртма пулăшать.
2011 çулхи çур çулта Чăваш Республикинче шалти ĕçсен пайĕн çул-йĕр инспекцийĕн ĕçченĕсем патшалăх стандарчĕпе килĕшсе тăман 1921 факт шута илнĕ. Административлă правонарушенисен кодексĕн 1-мĕш пайĕн 12,2 статйипе килĕшÿллĕн 1866 водителе явап тыттарнă. 2589 çын вара руль умне регистраци витĕр тухмасăр ларнă, тепĕр 396-шĕ патшалăх регистрацийĕн правилисене пăснă.
Çавăнпа та вунă кунлăхра çул-йĕр хăрушсăрлăх инспекцийĕн ĕçченĕсем çул çинче сыхă пулĕç, патшалăх стандарчĕпе килĕшсе тăман транспортсене административлă майпа штраф тÿлеттерĕç.
Г.КАЗЫКИН,
çул-йĕр хăрушсăрлăх инспекцийĕн пропаганда енĕпе ĕçлекен инспекторĕ.