20 июля 2011 г.
Тăван çĕр-шывăн Аслă вăрçи кĕрлесе тухнăранпа çитмĕл çул та çитрĕ. 1941 çулхи июнĕн 22-мĕшĕ вара Хурлăх кунĕ, вăрçă паттăрĕсене асăнмалли кун пулнипе историне кĕрсе юлчĕ. Пирĕн Янкурас ялĕнчен пĕтĕмпе 88 çын фронта кайнă. Питĕ шел, 46-шĕ тăван килĕсене çаврăнса çитеймен. Эпир вĕсем умĕнче парăмра. Вăрçă хирĕнчен тухайманнисене, хыпарсăр çухалнисене ĕмĕр-ĕмĕрех асăнса пурăнма сăмах паратпăр. Ентешĕмĕрсенчен чылайăшĕ хăçан тата ăçта пуçĕсене хунине те тишкерсе тупма май килчĕ.Степан Александрович Александров – 1943, юпа, 26, Псков облаçĕ, Великие Луки; Тит Антипович Антипов – 1944, юпа, 20, Югославири Чукорцы сали. Федор Семенович Журавлев – 1942, çурла, 17, Калуга облаçĕ, Кулешовка ялĕ. Григорий Васильевич Васильев – 1942, авăн, 22, Тверь облаçĕ, Карамзино ялĕ. Денис Иванович Иванов – 1943, нарăс, 25, Новгород облаçĕ, Залучье ялĕ. Егор Иванович Иванов – 1942, юпа, 29, Волгоград облаçĕ, Балка Татарка. Терентий Иванович Иванов – 1943, çурла, 5, Курск облаçĕ, Красная Дуга сали. Яков Иванович Иванов – 1945, май 6, Германи, Цапельгольск ялĕ. Тимофей Сидорович Илларионов – 1943, август, Сумск облаçĕ, Рябушка ялĕ. Митрофан Леонтьевич Леонтьев – 1943, январь 9, Смоленск облаçĕ, Благуша ялĕ. Филимон Степанович Маслов – 1942, декабрь 2, Харьков облаçĕ, Шестеровка ялĕ. Нестер Михайлович Михайлов – 1944, август 7, Минск облаçĕ, Смолевичи хули. Меркурий Игнатьевич Озеров – 1945, июль 2, Хĕвел тухăç Пруси, Хальсберг. Иван Федорович Федоров – 1943, март 19, Кировоград облаçĕ, Тюбейкино ялĕ. Илья Андреевич Андреев – 1942, август, Волгоград облаçĕ. Асăннă юлташсене тăванла масарта пытарнă.
Егор Александрович Александров – 1942, январь. Анисим Андреевич Андреев – 1943, апрель 10. Яков Антипович Антипов – 1942, июнь 22. Анисим Васильевич Васильев – 1941, декабрь 26. Иван Ефимович Ефимов – 1943, декабрь. Андрей Иванович Иванов – 1942, февраль 24. Евдоким Иванович Иванов – 1943, февраль. Михаил Иванович Иванов – 1943, февраль. Иван Федорович Иванов – 1943, март. Александр Ильич Ильин – 1942, апрель. Анатолий Мефодьевич Красильников – 1944, август. Алексей Захарович Лапусов – 1944, май 10. Захар Николаевич Лапусов – 1944, март Иван Сергеевич Моледеров, 1943. Яков Иванович Логаров – 1944, январь. Прокопий Миронович Маслов – 1942, апрель. Иван Иосифович Морозов – 1945, май. Василий Прокопьевич Прокопьев – 1943, март. Николай Сидорович Сидоров – 1941, октябрь. Владимир Фомич Фомин – 1944, декабрь, хыпарсăр çухалнă. Максим Антипович Антипов, Герасим Васильевич Васильев, Владимир Митрофанович Митрофанов, Григорий Семенович Семенов, Аверкий Сидорович Сидоров, Карп Игнатьевич Озеров, Порфирий Илларионович Илларионов – хыпарсăр çухалнă. Тарас Ефимович Ефимов, Гаврил Игнатьевич Маслов, Анисим Михайлович Михайлов, Иван Васильевич Васильев. Вĕсен килĕсене нимĕнле хыпар та çитеймен.
Данил Александрович Александров, Тимофей Арсентьевич Арсентьев, Данил Леонтьевич Леонтьев салтаксем пирки килĕсене вилнĕ тесе хут килни те пулнă. Кусем вара пурте сывах таврăннă. Мирлĕ пурнăçра та ырăпа кăна палăрнă.
Паянхи куна илсен, хĕрĕх виçĕ вăрçă ветеранĕнчен пĕри те çут тĕнчере çук ĕнтĕ. Çав йышра виçĕ хĕрарăм пулнине те палăртмалла. Кусем вăрçа хутшăннисем – Елизавета Герасимовна Герасимова, Евдокия Егоровна Егорова тата Перасковья Михайловна Михайлова.
Вăрçă ветеранĕсене аса илсе пурăннипе пĕрлех тыл ĕçченĕсене те манас марччĕ. Вĕсем Янкурасра тăххăрăн юлнă: Ольга Васильевна Васильева, Матрена Александровна Озерова, Елизавета Порфирьевна Петрова, Лидия Ильинична Маслова, Нина Ивановна Иванова, Елена Серафимовна Васильева, Софья Николаевна Петрова, Ольга Яковлевна Яковлева, Зинаида Федоровна Федорова.
Ял çыннисем вăрçăпа тыл паттăрĕсене халалласа кăçал Асăну аллейи уçрĕç.
Гурий СЕМЕНОВ.