Публикации » Кĕр кĕрлерĕ савăнăçлă туй

30 июля 2011 г.

Туй вăл хаваслă та савăнăçлă уяв, яланлăхах асра юлаканскер. Анчахрах Эренарти Евгений Петров авланма шут тытнă, арăм пулассине кÿршĕри Хĕрлĕ Чутай районĕнчен суйласа илнĕ. Женьăпа Оксана хăйсен шăписене пĕр-пĕринпе çыхăнтарма шутланă. Вĕсем чăн-чăн чăваш туйне кĕрлеттернĕ – питех те савăнăçлă, илемлĕ те хăватлă! Юлашки вăхăтра таврара кунашкал туйсем пулман-ха. Ку тăрăхри ялсенче пурăнакансем чăваш туйĕнче кăмăлтанах савăннă. Пĕр çемьене пĕрлешсе, Евгенийпе Оксана тăванĕсем, çывăх çыннисемпе тус-юлташĕсем умĕнче пурнăç çулĕпе пĕрле утса тухма, савăнăçĕпе хуйхине те пĕр танах пайлама тупа тунă.