Публикации » Чăваш Ен чысне хÿтĕлеççĕ

30 июля 2011 г.

Элĕк районĕн ачасемпе çамрăксен пултарулăх центрĕ геологи енĕпе республикăри конкурс-олимпиадăра çĕнтерÿпе савăнтарать. Аслă категориллĕ вĕрентекен Людмила Петрикова ертсе пыракан команда Пĕтĕм Раççейри 8 уçă олипиадăра Чăваш Ен чысне хÿтĕлеме тивĕçнĕ. Пĕлÿ хаклавĕ Томск хулинче утă уйăхĕн 20-мĕшĕнчен пуçласа çурлан 7-мĕшĕччен пырать. Олимпиадăра геологи ăмăртăвĕсем, конкурссем тата культура мероприятийĕсем пулаççĕ.

Элĕксем олимпиадăна пысăк яваплăхпа хатĕрленнĕ. Вĕренекенсем И.Н.Ульянов ячĕллĕ ЧПУ преподавателĕпе Владимир Кудровпа (унăн геологири стажĕ 50 çул) тĕл пулнă.

Т.ВАСИЛЬЕВА.