30 июля 2011 г.
Çул çитменнисене эрех-сăра сутнăшăн çирĕпрех айăплама йышăннă. Пĕрремĕш хут сутсан административлă ĕç пуçарĕç, çур çул хушшинче тепĕр хут сутсан – уголовлă. Яваплăха штрафпа палăртнă: çул çитменнисене эрех-сăра сутакан граждансен кĕсйине 3-5 пин тенкĕлĕх çÿхетме, должноçри çынсен – 10-20, юридици сăпачлисен – 80-100 пин тенкĕлĕх.
Пĕтĕм япалана укçапа çеç виçеймĕн, чылайăшĕн хăйсен ачисем те пур, вĕсен малашлăхĕ пирки те шутласан аванччĕ. Çын куççулĕ çĕре ÿкмест, вăл хамăр куçран та юхма пултарать.