30 июля 2011 г.
Районти шалти ĕçсен пайĕ халăха çакна пĕлтерет: юлашки вăхăтра республикăра, çавăн пекех Элĕк районĕнче те мăйракаллă шултра выльăхсене вăрласа кайнă тĕслĕхсем палăрма пуçларĕç. Акă, утă уйăхĕн 19-мĕшĕнче Тури Карачура ялĕ çывăхĕнче 16 сехет те 30 минут – 19 сехет те 30 минут хушшинче 8 уйăхри 300 килограма яхăн таякан ула вăкăра (кăкарнăскерне) вĕçертсе илсе кайнă.
Çуллахи вăхăтра ял çыннисене тимлĕ пулма ыйтатпăр. Выльăхсене кĕтÿре тата кăкарнисене пăхса тăракансăр ан хăварăр. Паллă мар автомашинăсен номерĕсене ас туса юлма тăрăшăр, вĕсене хут çине çырса юлăр. Сăмах кунта ĕне выльăх пуçтарса çÿрекенсем пирки пырать.
Мăйракаллă шултра выльăх çухални çинчен мĕн те пулин пĕлетĕр пулсан 8(83535)22-3-02 тата 8(83535)22-0-96 номерсемлĕ телефонпа шăнкăравлăр е милицин участокри уполномоченнăйне пĕлтерĕр.
Районти шалти ĕçсен пайĕ.