Публикации » Карта тытма йышпа тухнă

03 августа 2011 г.

Ехремкасси ял тăрăхĕн пуçлăхĕ В. Ефимов хăйĕн шанчăклă пулăшаканĕсемпе – старостосемпе пĕрле пухăнса канашлу ирттернĕ. Татмăш, Вутлан, Вăрманкас ялĕсен анчахрах суйланнă старостисем паянхи чи çивĕч ыйтусене сÿтсе явнă. Пуринчен малтан масар (çăва) йĕри-таврашне тасатса тирпейлемелле. Ĕç-пуç укçа-тенкĕсĕр пулмасть. Ял çыннисем хăйсен ирĕкĕпех çăва тавра сеткăран карта тытса çавăрмашкăн 500-шер тенкĕ укçа уйрăнă. Иртнĕ канмалли кунсенче вара пурте Вутлан çăви çине тухса пĕтĕм çÿп-çапа тасатнă, ытти тирпей ĕçĕсене пурнăçланă. Куншăн ял старостисем Г.Никифоровпа В. Чернов тата И.Сорокин нумай тăрăшнине палăртмалла.

А.ГОРШКОВ.