10 августа 2011 г.
Çуллахи вăхăтра та Элĕкри ача-пăча библиотекинчен ачасем татăлмаççĕ. Кунта час-часах тĕрлĕрен викторинăсем, савнăçлă конкурссем, вăйăсем иртеççĕ. Ачасем ку мероприятисене хаваспах хутшăнаççĕ. Вулав залĕнче «Лето книжное будь со мной» ятпа кĕнеке куравĕ йĕркеленĕ. Унта чăваш тата вырăс писателĕсен чи лайăх кĕнекисем вырăн йышăнаççĕ.
Элĕкри вăтам шкулта кĕçĕн класра вĕренекенсем кĕнекепе питĕ туслă. Уйрăмах Ирина Викторова, Анна Суранова, Яна Семкина, Настя Дубинина, Юлия Спиридонова, Настя Перминова, Михаил Яковлев, Анна Удякова, Анна Романова, Владимир Викторов, Алексей Егоров вĕренекенсене пĕлÿ тĕнчи илĕртсе тăрать.
Шкул ачисене пурне те библиотекăна йыхравлатпăр. «Çулла чи нумай вулакан» конкурса хутшăнма чĕнетпĕр. Çĕнтерÿçĕсене дипломсемпе парнесем кĕтеççĕ.
Г.МИРОНОВА,
Элĕкри ача-пăча библиотека ертÿçи.