10 августа 2011 г.
Раççей Федерацийĕн Президенчĕ Д.Медведев 2013 çултанпа çĕр-шывра кирек мĕнле алкоголь продукцине те (0,5 процент хаярлăхран хăватлăраххисене) сутма чикĕлесе тăракан саккуна алă пуснă. Çапла вара тепĕр çулталăк çурăран киосксемпе павильонсенче, пасарсемпе вокзалсенче, хула чарăнăвĕсенче, аэропортсемпе автозаправкăсенче сăра сутма чараççĕ.
Саккунта палăртнă тăрăх алкоголь продукцине организацисен çеç сутма ирĕк пулĕ. Уйрăм предпринимательсен кун пек ирĕк пулмасть. Вĕсем 2013 çулхи январĕн 1-мĕшĕччен сăра сутма пултараççĕ, анчах та 5 процент хаярлăхран хăватлă маррисене.
Саккунпа килĕшÿллĕн 2012 çулхи январĕн 1-мĕшĕнчен пуçласа обществăлла вырăнсенче, парксемпе скверсенче, тĕрлĕ кану вырăнĕсенче – алкоголь продукцине ĕçме чараççĕ.