17 августа 2011 г.
Пирĕн çамрăксем малаллах пăхаççĕ, пуласлăх çинчен шутлаççĕ. Паллах, çак пулăмсене хăй тĕллĕн вĕçертсе ямалла мар.
Хĕрсемпе каччăсене ăс-хакăла музыкăпа, литературăпа, сăнарлăх, скульптура произведенийĕсемпе, çутçанталăкпа çыхăнтарма пулăшмалла. Чи кирли вара – çынпа çын кăмăллăн хутшăнни. Çамрăксен пушă вăхăтне усăллă ирттернĕ, пултаруллă çынсемпе тĕлпулусем йĕркеленĕ çĕрте вулавăшсен пĕлтерĕшĕ пысăк. Ехремкасси ял тăрăхĕнче виçĕ вулавăш. Вĕсенче хăйсен ĕçне лайăх пĕлекенсем тăрăшаççĕ. Ираида Кириллова, Елена Семенова, Виталина Лаврентьева. Нумай çул тăрăшса ĕçленĕшĕн вĕсене темиçе хутчен те хисеп хучĕсемпе чысланă. Библиотекăсем клубсемпе тачă çыхăнура. Вĕренекенсемпе, çамрăксемпе, çитĕннисемпе пĕрле вĕсенче тĕрлĕрен мероприятисем иртеççĕ.
Е.ЛЕОНТЬЕВА.