20 августа 2011 г.
Чернобыльти АЭСĕнче авари пулнăранпа кăçал ака уйăхĕн 26-мĕшĕнче 25 çул çитнĕ. Питĕ пысăк территорисем, çынсем радиоактивлă пайăркасемпе сиенленнĕ çав çул. Хальхи вăхăтра Элĕк районĕнче Чернобыль АЭСĕнчи катастрофăна сирме хутшăннă 14 çын пурăнать.
Çак кунсенче район администрацийĕн пуçлăхĕ Л.Читнаев паттăрсене «Чернобыльти атом электростанцийĕнчи катастрофăна пĕтерме хутшăннине асăнса» медальпе чаплă лару-тăрура чысланă.
Леонид Анатольевич радиаци витĕмне пула инкек тÿснĕ граждансене пирĕн республикăра пурне те федераци саккунĕпе палăртнă социаллă пулăшу пуххин мерисемпе туллин тивĕçтерессине каласа панă, кулленхи пурнăçра ăнăçу суннă.