24 августа 2011 г.
Августăн 22-мĕшĕнче çĕр-шывăмăр хăйĕн наци уявĕсенчен пĕрне – Патшалăх Ялавĕн кунне – паллă турĕ. Ăна Раççей Президенчĕн 1994 çулхи августăн 22-мĕшĕнче алă пуснă Указĕпе туса хунă.
Виçĕ тĕслĕ ялав историйĕ пуян. Пуçласа шурă-кăвак-хĕрлĕ ялава Алексей Михайлович патша вăхăтĕнче, 1667 çулта, «Орел» карап çинче çĕкленĕ. Кашни тĕсĕн – хăйĕн пĕлтерĕшĕ.
Раççей патшисем ялав ÿкерчĕкне пĕрре кăна мар улăштарнă. 73 çул иртсен, 1991 çулта, август уйăхĕнчи путча парăнтарнă хыççăн виçĕ тĕслĕ ялав каялла таврăннă.
2000 çулхи декабрĕн 4-мĕшĕнче тепĕр хут çирĕплетнĕ. Çапла вара виçĕ тĕслĕ ялав никама пăхăнман çĕнĕ Раççейĕн патшалăх символĕ пулса тăнă.