Публикации » Шăланта тĕпленнĕ, ачасем ÿстернĕ

03 сентября 2011 г.

Шăланти пĕр пÿрт умĕнче ватăпа икĕ пĕчĕк хĕр ача ларнине курсан тÿрех вĕсем патнелле пытăм. Пĕчĕк ялта ача пурри пĕрре савăнтарчĕ, тепре тĕлĕнтерчĕ. Эпĕ вĕсенчен аслă çынпа Валерий Михайлович Алексеевпа сăмахларăм. Вăл 1948 çулта Торпкасси ялĕнче çуралнă. Авланнă хыççăн арăмĕпе Шăланта тĕпленнĕ. Пулас мăшăра вăл хăйĕнчен кăшт çеç аслăрах Юлия Андреевнăна суйласа илет. Мăшăрсем 4 ачана кун çути парнеленĕ. Ĕмĕрĕпех колхозра ĕçленĕ вĕсем. Ачасене ура çине тăратассишĕн вăй-халне шеллемен. Паянхи кун кашниех çемьеллĕ. Кĕçĕнни тĕп килтех юлнă. Вăл кил-çурта ача сассипе тултарма пултарнă. Тĕп килтен пĕр çурт урлă тата тепĕр хĕрĕ те «йăва» çавăрнă.

«Икĕ ача ялта тĕпленнĕшĕн эпĕ савăнатăп та, мăнаçланатăп та», – терĕ Валерий Михайлович.

Августина СТЕПАНОВА.