10 сентября 2011 г.
Райадминистрацин ЗАГС пайĕ çурла уйăхĕнче 21 пепкене шута илнĕ (пĕлтĕрхи августра 25 ача çуралнă). Кăçалхи çак тапхăрта çуралнисенчен 11-шĕ – хĕр ачасем, 10-шĕ – арçын ачасем.
Çичĕ çемьери шăпăрлансем – пĕрремĕшсем, иккĕмĕш ача – 8 çемьере, 5 ача – çут тĕнчене виççĕмĕш килнисем. Пĕр çемьене улттăмĕш ача та килсе савăнтарнă.
Иртнĕ уйăхра пурнăçран уйрăлса каякансем нумаях пулман: 37 çын (пĕлтĕрхи çак тапхăртинчен 9 çын сахалтарах) çĕре кĕнĕ. Арçынсен вăтам пурăнаслăхĕ – 60 çул, хĕрарăмсен – 75 çул.
Августра 14 мăшăр пĕрлешнĕ (пĕлтĕрхинчен 8 мăшăр сахалтарах).
Пуринчен ытларах 25-35 çулсенчи каччăсем çемье çавăрнă, качча тухаканнисем – 18-25 çултисем.
5 çемье уйрăлнă.
М.НИКОЛАЕВА,
ЗАГС пайĕн ертÿçи.