14 сентября 2011 г.
Кашни шкул ачи каникул вăхăтне усăллă ирттерме тăрăшать. Ашшĕ-амăшне пулăшаççĕ, шыва кĕреççĕ, вăрмана çырлана кайса килеççĕ. Çавна май кану кунĕсем хыçа юлса пыни сĕсĕнмест те.
Каникул кунĕсенче Шĕмшеш шкулĕнче 4-6-мĕш классенче вĕренекенсем пĕрлехи вăйпа концерт хатĕрленĕ. Вĕсем хăйсен пултарулăхне Шĕмшеш, Прашкаушкăнь тата ытти ялĕсенче кăтартнă. Ачасем ял çыннисем умĕнче илемлĕ юрăсем шăрантарнă. Надежда Федорова, Анна Удиванова, Ксения Архипова тата Анастасия Ефимова куракансене ăстăлăхпа тыткăнланă.
Ачасем ÿлĕмрен те тĕрлĕ мероприятисенче активлăхпа палăрасшăн.
И.ИВАНОВА.