17 сентября 2011 г.
Тури Вылара пурăнакансемшĕн ял уявне йĕркелесе ирттересси йăлана кĕрсе çирĕпленнĕ тесен те юрать. Нумаях пулмасть ку ял çыннисем пĕрле пуçтарăнчĕç. Уяв ячĕпе Ураскилт ял тăрăхĕн пуçлăхĕ Э. Козлов саламларĕ, ырлăх-сывлăх, телей сунчĕ.
Программа çулсерен улшăнать, анчах та уяв Раççейĕн тĕрлĕ кĕтесĕнче пурăнакансене пĕр чăмăра пуçтарма пултарать. Паллах, ку ялта çуралса ÿснĕскерсем аякри çула пăхмасăрах тăван кĕтесе килсе кайма вăхăт тупаççĕ. Ял çыннисем тĕрлĕ вăйăсемпе конкурссенче пысăк активлăхпа палăрчĕç.
Уяв вара пурте пĕрле сĕтел хушшине ларнипе вĕçленчĕ. Халăх тулли кăмăлпа килсене саланчĕ.
З.АЛЕКСАНДРОВА