АУ"Редакция Аликовской районной газеты "По жизненному пути"ОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Хуçасăр çĕрсем пулмĕç

21 сентября 2011 г.

Июлĕн 1-мĕшĕнчен «Раççей Федерацийĕн уйрăм саккун акчĕсене ял хуçалăх пĕлтерĕшлĕ çĕрсемпе усă курассине улшăнусем кĕртесси çинчен» саккун вăя кĕчĕ. Çакă вырăнти влаç органĕсене тĕллевсĕр усă куракан ял хуçалăх пĕлтерĕшлĕ çĕрсене туртса илме май парать. Çапла вара патшалăх пай çĕрĕсен ыйтăвне тинех татса пама пултарĕ. Хальхи вăхăтра унччен колхозниксене валеçсе панă, анчах хуçисем усă курман пай çĕрĕсем нумай. Документсăр хуçасăр пай çĕрĕсем малашне вырăнти муниципалитет харпăрлăхне куçĕç.Хуçасăр çĕрсене туртса илесси çак йĕркепе пулса иртмелле. Хистесе туртса илнĕ çĕр участокĕсене суд йышăнăвĕ вăя кĕнĕ хыççăн 6 уйăхра, РФ Граждан кодексĕ палăртнă йĕркепе аукционра сутаççĕ. Енчен те суту-илÿ пулман тесе йышăнсан çĕр участокне патшалăх е муниципалитет харпăрлăхне суту-илĕвĕн малтанхи хакĕпе параççĕ.

Ял хуçалăх пĕлтерĕшлĕ çĕрсен пулăхĕ палăрмаллах чакнине, экологи лару-тăрăвĕ япăхланнине РФ Правительстви хаклать. Çавăн пекех ял хуçалăх производствипе çыхăннă ĕç-хĕле пурнăçланă чухне çĕр участокĕпе усă курманнине РФ Правительстви палăртать.

Çĕр участокне сутса тунă укçа, ăна сутма хатĕрлесе тăратма тата аукциона ирттерме кайнă тăкаксене катса юлнă хыççăн, унчченхи харпăрçине тÿлеме каять. Ял хуçалăх пĕлтерĕшлĕ çĕр участокĕсене пайлассипе çыхăннă ыйтусене татса панă çĕрте вырăнти хăй тытăмлăх органĕсем пысăк вырăн йышăнĕç.

Саккунра çĕр участокĕпе усă куракан ял хуçалăх организацийĕсен е фермер хуçалăхĕсен прависене палăртнă. Вĕсен вырăнти хăй тытăмлăх органне суту-илÿ е аренда килĕшĕвне тума заявленипе тухмалла. Çакна муниципалитет çĕр участокĕн харпăрлăх правине кадастр хакĕн 15 процентĕнчен ытла мар хакĕпе патшалăх регистрацине тунă хыççăн (суту-илÿ валли) виçĕ уйăхра тумалла. Суту-илÿ е аренда килĕшĕвне тума ирĕк илмешкĕн аукцион ирттермеççĕ. Çавна май ял хуçалăх пĕлтерĕшлĕ çĕр участокĕсене илесси палăрмаллах ÿсме пултарать. Пай шучĕпе уйăрнă участоксене патшалăх регистрацине тунă хыççăн муниципалитетăн икĕ эрнере массăллă информаци хатĕрĕсем урлă тата интернетри официаллă сайтĕнче вĕсене илме май пуррине пĕлтермелле.

Саккунра хуçасăр пай çĕрĕсем пирки те палăртса хăварнă. Çĕрĕн харпăрçи е унпа усă куракан урăх çын виçĕ çул е ытларах хăйĕн лаптăкĕнче ял хуçалăх ĕç-хĕлне тумасан туртса илеççĕ, çавăн пекех РФ «Куçман пурлăха патшалăх регистрацине тăвасси тата унпа усă курасси çинчен» саккунĕ вăя кĕриччен йышăннă пай çĕрĕсем пирки вырăнти хăй тытăмлăх органĕсем çакăн пек çĕрсен списокне тăваççĕ. Ăна пай харпăрçисен пĕрлехи пухăвĕнче çирĕплетеççĕ.

Çĕр рынокне йĕркеллĕ аталанма, паллах, çивĕч ыйтăва татса памаллах. Улшăнусем лару-тăрăва палăрмаллах лайăхлатмалла.

Мой МирВКонтактеОдноклассники

 

Система управления контентом
TopList Сводная статистика портала Яндекс.Метрика