24 сентября 2011 г.
Авăн уйăхĕн 21-мĕшĕ – Тасаран та таса Турамăшĕ çуралнă кун (праздник Рождества Пресвятой Богородицы). Православи чиркĕвĕ çак уява анлăн паллă тăвать. Ăна уйрăмах Ураскилт чиркĕвĕнче хисеплеççĕ. Ку чиркÿ шăп та шай Тасаран та таса Турамăшĕн ятне илнĕ вĕт-ха.Уяв ячĕпе Турă çуртĕнче хăватлă кĕлĕсем иртнĕ. Савăнăçлă службăна чиркÿ настоятелĕ Александр протоиерей ирттернĕ. Уява килнисем хĕрес йăтса чиркÿ тавра утса тухнă. Таса Турамăшне асăнма çынсем нумай пухăннă. Муркашри чăх-чĕп фабрикин директорĕ Николай Ванеркин, райпо канашĕн председателĕ Юрий Харитонов, Николай Сергеев депутат, МСО ертÿçи Сергей Лаврентьев тата ыттисем те чиркÿре пулнă.
Уява халаласа стадионта вара шкул ачисем хушшинче футболла выляссипе турнир иртнĕ. Мала тухнă командăсене Муркашри чăх-чĕп фабрикин директорĕ Н.Ванеркин саламланă, ăнăçу суннă.