12 октября 2011 г.
«Макулатура пух та – хăв тирпейлĕхе хакланине кăтарт» – çак девизпа Элĕк тăрăхĕнче акци старт илчĕ. Ку ырă шухăш вара райцентрти шкулта ăс пухакансен тĕвĕленнĕ.
«Асăннă мероприятие малашлăха пăхса йĕркеленĕ», – палăртрĕ ял тăрăхĕн пуçлăхĕ Александр Ефремов. Çакă салари çут çанталăк çине витĕм кÿме, тавралăха çÿп-çапран тасатма, халăхăн экологи культурине ÿстерме май парать. Ку кăна-и; Макулатура пуçтарса пухнă укçа-тенкĕпе те тĕллевлĕ усă курасшăн. Шкулăн интернат çуртĕнчен тĕп корпуса кайма каçă тăвасшăн. Акцие ашшĕ-амăшĕсем, организацисемпе предприятисем, пуçаруллă ушкăнсем те хутшăнма пултараççĕ. Активлăх кăтартакансене парнесем кĕтеççĕ.