26 октября 2011 г.
Чăваш Республикин Президенчĕ Михаил Игнатьев Патшалăх Канашне ямалли Çырупа ĕçлеме пуçларĕ. Тĕп çул-йĕре палăртакан политика докуменчĕ Правительствăн, Патшалăх Канашĕн, вырăнти хăй тытăмлăх органĕсен, предприятисемпе организацисен мĕн пур çитĕнĕвĕпе йывăрлăхне хак парĕ, çитес çул тата малашлăх валли палăртнă стратеги программи пулса тăрĕ. Çырăва хатĕрленĕ чухне Президентăн республикăра пурăнакансен шухăш-кăмăлне, сĕнĕвĕсене шута илемелле.
Халăхăн пурнăç шайĕ ÿстĕр, палăртнă тĕллевсем пурнăçланччăр тесен пирĕн мĕн тумалла; Чăваш Ен Президенчĕн мĕнле темăсене чи пысăк тимлĕх уйăрмалла; Çитес çулхи Çырăва кĕртме эсир хăвăр мĕн сĕннĕ пулăттăр; Сирĕн шутпа республикăра пурăнма лайăхрах та хăтлăрах пултăр тесен мĕн тумалла;
Хăвăрăн шухăш-кăмăлăра çак адреспа ярса пама пултаратăр: Шупашкар хули, Президент бульварĕ, 10-мĕш çурт;
e-mail,analit2@cap.ru, «Çыру хатĕрлеме» тесе палăртмалла; телефон: 39-35-73, 39-35-75.