28 декабря 2011 г.
Шкул ачисен республикăри 14-мĕш Спартакиадине хатĕрленнĕ май районта 14 çула çитменнисем хушшинче шашкăлла выляс енĕпе ăмăртусем иртрĕç. «Хĕлхем» спорткомплексра 10 шкултан 39 ача тупăшрĕ. Хĕрÿ кĕрешÿре Мăн Ямаш шкулĕнчи çамрăк шашкăçсем юлашки вăйăра юнтапасене çĕнтерсе пĕрремĕш вырăна тухрĕç. Иккĕмĕшсем – юнтапасем, виççĕмĕшсем йăлкăшсем пулчĕç. Арçын ачасенчен Иван Ильдера (Мăн Ямаш) çитекенни пулмарĕ, Кирилл Лукин (Юнтапа) иккĕмĕш вырăн, Дмитрий Толстов (Мăн Вылă) виççĕмĕш вырăн йышăнчĕç.
Хĕр ачасенчен Алина Кондратьева (Юнтапа), Нина Порфирьева (Элĕк), Арина Никифорова (Йăлкăш) малти вырăнсенче пулчĕç.
Мăнямашсем пĕлтĕр республикăри «Тĕлĕнтермĕш шашка» ăмăртусенче иккĕмĕш вырăн йышăннăччĕ.
З.ФЕДОРОВ,
ăмăрту судьи.