14 января 2012 г.
Элĕкри ача-пăча библиотекинче «Сурхурирен Кăшарни таран» ятпа 2-5 классенче вĕренекенсем валли пĕлÿ кÿрекен вăйă иртрĕ.
Ачасем юмахсен тĕнчинче пĕр самантлăха пулса курчĕç. Унти сăнарсене аса илчĕç, çавăн пекех юмахсен авторĕсем пирки каласа пачĕç. С.Потапова библиотекарь вара уявсен йăли-йĕркисем çинче чарăнса тăчĕ. Сурхури вăхăтĕнче юмăç янине, Кăшарнире шыва кĕнине каларĕ.
Библиотекăн вулав залĕнче шкулта вĕренекенсем илемлĕ хуплашкаллă кĕнекесене алла тытрĕç. Страницăсене уçнă май нумай çĕннине пĕлчĕç.
Мероприяти вĕçĕнче ачасем мультфильмсем пăхрĕç. Пĕр сăмахпа, библиотекăра пурне те интереслĕ пулчĕ.