18 января 2012 г.
Эрех нихăçан та ырри патне илсе çитермест. Намăс-симĕсе çухатса çын хăй ирĕкленме тытăнать. Ют çын кĕсйине алла чиксе яма та йывăр мар.
Акă Янкурас ялĕнчи çамрăксем Элĕкре тĕл пулса уяв тунă. Эрехне те виçĕ тус самаях ĕçнĕ. Вĕсенчен иккĕшĕн вара ырă мар шухăш пуçĕнче çуралнă. Хăйсен юлташĕнне кĕсье телефонĕ кăларса илнĕ. «Самсунг» маркăллă телефон çухалнине хуçи сисмест пуль тенĕ. Анчах та икĕ юлташ шутланă пек пулса тухман. Вĕсем çавна май полици ĕçченĕсен аллине те лекнĕ. Юлташне 5 пине яхăн тăкак кÿнĕ.
Халĕ çакăншăн уголовлă ĕç пуçарнă. Çамрăксен çăмăлттайлăхшăн саккун умĕнче явап тытма тивĕ.
М.ПЕТРОВ,
шалти ĕçсен уйрăмĕн следователĕ.