25 января 2012 г.
1987 çулта çуралнă Олег Михайлов. Ехремкасси ялĕнче тĕрекленсе, ĕçе юратса аталаннă. Ашшĕ-амăшĕн ĕçченлĕхĕ ывăлне куçнă. Çамрăк шикленмесĕрех пĕчĕк фермер хуçалăхне йĕркелерĕ. 2011 çулта 12 гектар çинче тырă-пулă, çĕр улми, купăста, нумай çул ÿсекен курăк çитĕнтерчĕ. Япăх мар тухăç илчĕ. Çĕр ĕçĕнче тар кăларнипе пĕрлех Ехремкасси ял тăрăхĕн çамрăксен канашне ертсе пырать. Вырăнти яш-кĕрĕмпе хĕр-упраçа пĕр çĕре пухма, тĕрлĕ ĕçе явăçтарма ăсталăх пурах-ха унăн. Иртнĕ çул вăл республикăра «Çамрăксен канашĕн чи лайăх председателĕ» ята тивĕçрĕ. Хĕл кунĕсенче Олег ют облаçсене стройкăна тухса çÿрет.
А.СЕМЕНОВА,
Ехремкасси ял тăрăхĕн специалисчĕ.