01 февраля 2012 г.
Шухăшламасăр тунă киревсĕр ĕçсен сăлтавĕ яланах эрех пулса тухать. Урăлла çын каçару ыйтма пĕлеймест пулсан, ÿсĕрле ун çинчен манса кайса çынна кÿрентерме, тĕрлĕ «хитре» сăмахсемпе «хупласа» хума пултарать. Уншăн ÿкĕнет, паллах, анчах та кайран чавса çывăх та çыртма май çук.
Акă Элĕкре пурăнакан икĕ çамрăк, эрехпе минренĕскерсем, хăйсем преступлени тунине ăнлансах хĕр ачана мăшкăллама шутланă. Ĕçĕ çакăн пек пулса тухнă.
2011 çулхи ноябрĕн 10-мĕшĕнче каçхи тăхăр сехетре ÿсĕр В. урамра хăй палланă хĕре тĕл пулать. Çакăнпа усă курса ăна инçех мар вырнаçнă хваттере вăйпах илсе кĕрет. Çав вăхăтра хваттерте унăн Ф. пиччĕшĕ пулнă. Иккĕшĕ черетле хăйсен шухăшне пурнăçлама тĕллев лартаççĕ. Вунă сехет тĕлнелле ырă мар шухăшсене пурнăçа кĕртеççĕ. Хĕре хăратса, вăйпах пусмăрлаççĕ. Çавна май А.-н сывлăхне сиен кÿреççĕ.
В.-па Ф. хĕре çапса хĕнесе пĕтернĕ. Унăн кĕлеткинче кăвакарнă вырăнсем чылай пулнă.
Çак киревсĕр ĕçшĕн В.-на айăпланă.
А.СТЕПАНОВ,
Етĕрнери районсем хушшинчи следстви управленийĕн аслă следователĕ.