08 февраля 2012 г.
Юлашки çулсенче ĕне, сурăх, сысна тытнисĕр пуçне лаша усракансем те тĕл пулаççĕ. Янавар кил-çурт таврашĕнче, пахчара ĕç тунă чухне те нумай пулăшу парать.
Вутлан ялĕнчи Алексей Семенов выльăх-чĕрлĕхсĕр пурăнма хăнăхман. Мăшăрĕпе лаша, ĕне, чăх-чĕп усраççĕ. Ĕçчен çемье хушма хуçалăх тытмасăр пурăнма çăмăл маррине лайăх ăнланать. Çавăнпа çу кунĕсенче выльăх апачĕ ытлă-çитлĕ хатĕрлессипе сахал мар вăй хурать. Лаша хăйсене те, ялти çынсене те пысăк пулăшу кÿрет: çĕр сухаламалла, утă-улăм турттарса килмелле тата ытти ĕçсем те пур.
Семеновсем ачисене те ĕçе юратма вĕрентсе ÿстернĕ. Кĕçĕн çулхи ывăлне те ĕç патне хăнăхтараççĕ.
А.ГОРШКОВ.