07 марта 2012 г.
Çапла, районти потребительсен обществинчи çамрăксем районта иртекен нихăш спорт ăмăртăвĕсенчен те юлмаççĕ, республикăри тупăшусене те хутшăнаççĕ. Акă, анчахрах, «Хĕлхем» физкультурăпа спорт комплексĕнче футзал енĕпе йăлана кĕнĕ турнир иртнĕ. Виçĕ эрнене пынă çивĕч тупăшура ытларикунсемпе шăматкунсерен ял тăрăхĕсен тата организацисен командисем хăйсен ăсталăхне кăтартнă. Турнир малтанхи кунсенчех пысăк хастарлăхпа пуçланнă, кашни тĕлпулу юлашки минутсенче кăна çĕнтерÿçĕсене палăртнă. Чи маттуррисем – райпо каччисем. Сăмах май, вĕсем иртнĕ çулхине те пĕрремĕшсем пулнăччĕ. Иккĕмĕш вырăнта – Ехремкасси ял тăрăхĕн команди. Пĕлтĕрхи турнирта вĕсем тăваттăмĕш вырăна тухнăччĕ.
Виççĕмĕш вырăншăн çулавăçсемпе шĕмшешсем çине тăрса кĕрешрĕç. Шăпа вĕсене чи вĕçĕнчи ăмăртура тĕл пултарчĕ. Хĕрÿ кĕрешÿре шĕмшешсене парăнтарса çулавăçсем виççĕмĕш вырăна çĕнсе илчĕç.
(Хамăр инф.)