11 апреля 2012 г.
Элĕкри культурăпа кану центрĕнчи ветерансен халăх хорĕ канăçа çухатнă тейĕн – яланах çул çинче вĕсем. Хальхинче «Ветеран» хор хамăрпа кÿршĕллĕ Красноармейски салинче пулнă, лайăх концерт кăтартнă. Куракансене «Ай-хай, тăвансем», «Уявра» сюитăсем питĕ килĕшнĕ. Хут купăссемпе кĕслесен сасси-кĕвви янăраса кайсан залра ларакансенчен чылайăшĕ чăтайман – тапăртатса ташша тухнă. Концерт курма пынисем Зоя Лукишова, Зоя Данилова, Валентина Корнилова юрланă юрăсене алă çупса йышăннă.
Красноармейски район администрацийĕн социаллă хÿтлĕх пайĕн ертÿçи Л.Киселев тата ку районти ветерансен канашĕн председателĕ Г.Ефимов элĕксене лайăх концертшăн чĕререн тав тунă, Нестер Янкас ячĕллĕ культăрупа искусство, литература пĕрлĕхĕн парнисене панă.
Г.ТЕРЕНТЬЕВ.