11 апреля 2012 г.
Кăçалхи 3 уйăхра районти мĕнпур йышши хуçалăхсем 939,2 тонна аш-какай (пĕлтĕрхи кăрлач-пуш уйăхĕсенчипе танлаштарсан 83,7 процент) туса илнĕ. Ял хуçалăх предприятийĕсемпе илсен, вĕсенче 93,2 тонна аш-какай (иртнĕ çулхи 3 уйăхрипе шутласан 68,6 процент), 779,9 тонна сĕт (77,4 процент) туса илме пултарнă.
Кашни ĕне вăтамран 924 килограмм сĕт антарнă. Ку кăтартупа Ульянов ячĕллĕ хуçалăх малта пырать, аш-какай чи нумай туса илекенсем – «Алмаз», «Авангард», «Звезда» хуçалăхсем.
Районĕпе мăйракаллă шултра выльăх 10728 пуç шутланать (ку вăл – ака уйăхĕн 1-мĕшĕ тĕлне). Çак шутран 5672-шĕ – ĕне выльăхсем (вĕсенчен 847-шĕ – ял хуçалăх предприятийĕсен). Сыснасем – 2141 пуç, (ял хуçалăх предприятийĕсенче – 1047 ). Сурăхсен йышĕ – 9840 пуç, ял хуçалăх предприятийĕсенче вĕсем – 555 пуç.
Районти хуçалăхсенче ĕне выльăхсем кашни талăкра вăтамран 645 грамм, сыснасем 592 грамм ÿт хушнă. Выльăх-чĕрлĕх ĕрчетсе самăртассипе чи лайăх кăтартусем – Ульянов ячĕллĕ, «Новый путь», «Витязь», «Авангард» хуçалăхсен.
А.ПРОХОРОВ