25 апреля 2012 г.
Чăваш чĕлхин кунĕ ячĕпе районти шкулсенче «Туслăх шевлисем» наци культурин фестивалĕ иртнĕ. Икĕ конкурс йĕркеленĕ. Пĕрремĕшĕнче Чăваш Сурăм шкулĕнчи 7 класри Анна Артемьева çĕнтернĕ, Юнтапа тата Йăлкăш шкулĕсенчи 8 класра вĕренекен Евгений Павловпа Эмилия Павлова иккĕмĕш вырăн йышăннă. Мăн Вылă шкулĕнчи Арина Иванова тата Юнтапа шкулĕнчи Анастасия Порфирьева (иккĕшĕ те 8 класра вĕренеççĕ) виççĕмĕш вырăна тухнă.
«Шевле» сăнарлă искусство фестивалĕ «Халăх историйĕ – манăн чĕрере» темăпа иртнĕ. Ăна Раççей историйĕн çулталăкне халалланă. Унта 6-9 классенче вĕренекенсем хутшăннă. Конкурс çĕнтерÿçи – Юнтапа шкулĕнчи 8 класри Наталия Егорова. Элĕк шкулĕнчи 7 класра вĕренекен Жанна Шорникова та приза тивĕçнĕ.
Вĕсен ĕçĕсене республикăри конкурса тăратнă.