19 мая 2012 г.
Питĕшкасси ял тăрăхĕнче 220 ытла çамрăк шутланса тăрать. Кашни çулах çурхи тата кĕрхи призывсенче салтак юрри илтĕнет ял тăрăхĕнче.
Кăçал салтак юррине пĕрремĕш юрлакансем Урпаш ялĕн каччисем пулчĕç. Сергей Петровпа Леня Федотов халлĕхе 11-мĕш класра вĕренеççĕ. Сергей апрелĕн 3-мĕшĕнче 18 çул тултарчĕ, водитель правине илме те ĕлкĕрчĕ. Халĕ вăл экзаменсем тытма хатĕрленет. Июнĕн 26-мĕшĕнче вара вăл тĕп килтен çулталăклăх çар тивĕçне пурнăçлама тухса каять. Унăн тантăшĕ те Леня Федотов водителе вĕренчĕ, май уйăхĕнче 18 çул тултарчĕ, экзаменсем тытнă хыççăн çар ретне тăрать. Июлĕн 4-мĕшĕнче унăн ăсату каçĕ пулать. Çамрăк каччăсене ашшĕ-амăшĕсем, тăванĕсем тата хĕрĕсем ăшшăн ăсатма хатĕрленеççĕ.
А.ПЕТРОВА.