30 июня 2012 г.
Çĕртме уйăхĕн 24-мĕшĕнче, Республика кунĕнче, Шупашкарти Хĕрлĕ лапамра «Сăрпа Çавал çаврисем», «Çĕр пин юрăпа ташă тăрăхĕнче», «Чăваш Ен кĕввисем – çĕнĕ юхăм» халăх пултарулăх фестивалĕсен гала-концерчĕ иртнĕ. Унта пирĕн районти юрă-ташă ăстисем те хăйсен пултарулăхне кăтартнă, дипломсемпе парнесене çĕнсе илнĕ. Акă культурăпа кану центрĕнчи «Элĕк пикисем» вокал ансамблĕ 3-мĕш степеньлĕ диплома тивĕçнĕ, «Ветеран» хор ушкăнне 2-мĕш степеньлĕ дипломпа чысланă. Ку пултарулăх ушкăнĕсене Владимир Терентьев ертсе пырать.
«Сăрпа Çавал çаврисем» фольклор ушкăнĕсен концертĕнче Тенири Александра Иванова, Юнтапари Галина Краснова, Кĕçĕн Тăванти Дарья Андреева, Элĕкри культурăпа кану центрĕнчи Алексей Ефимов, Шĕмшешри Вячеслав Филиппов тата Мăн Вылăпа Тавăтри культурăпа информаци центрĕсенчи фольклор ансамблĕсем пысăк ăсталăх кăтартнă, лауреатсем пулса тăнă.