08 сентября 2012 г.
Çулсем çинчи хăрушсăрлăх йĕркине тытса пырас тĕллевпе час-часах тĕрлĕрен мероприятисем ирттеретпĕр. Сентябрь уйăхĕнче те республика пĕлтерĕшлĕ рейдсем пулаççĕ. Ĕнер, авăн уйăхĕн 7-мĕшĕнче, «Ачасем» ятпа хăйне май тĕрĕслев пулчĕ. Ачасем çул-йĕр правилисене мĕнле пăхăннине тишкертĕмĕр, ку енĕпе ăнлантарассине те тĕпе хутăмăр. Сентябрĕн 14-16 тата 28-30-мĕшĕсенче «Ÿсĕр водитель» ятпа анлă рейдсем иртеççĕ.
«Çуран утакан тата çуран çÿрекенсем каçмалли вырăн» рейда 18-20-мĕшĕсенче ирттерме палăртнă. «Чукун çул урлă каçмалли вырăн» рейд 21-мĕшĕнче пулать. Çулленех иртекен «Автобус» тĕрĕслев вара – сентябрĕн 28-мĕшĕнче. Çав кунхинех автотранспорт предприятийĕсемшĕн профилактика кунĕ те иртĕ.
Г.КАЗЫКИН,
çул-йĕр хăрушсăрлăх инспекцийĕн инспекторĕ.