19 сентября 2012 г.
Пĕтĕм Раççейри инвалидсен обществин районти уйрăмĕн президиум ларăвĕнче ку таранччен туса ирттернĕ ĕçсене тишкерчĕç, малашнехи тĕллевсене палăртрĕç. Умри пысăк пĕлтерĕшлĕ мероприятисенчен пĕри вăл – авăн уйăхĕн 25-мĕшĕнче хевтесĕррисем хушшинче спорт ăмăртăвĕсене йĕркелесси. Кусем вĕсем – республика пĕлтерĕшлĕ тупăшусем, çак ăмăртусене темиçе районтан спортпа туслă инвалидсем килеççĕ. Вăйăсем «Хĕлхем» физкультурăпа спорт комплексĕнче иртеççĕ.
Спорт уявĕн программи анлă та пуян. Инвалидсем дартстла, теннисла выляççĕ, йывăр япаласене те йăтса пăхаççĕ, коляскăпа çÿрекеннисем пĕр-пĕринпе ăмăртаççĕ, ал-ĕç ăстисем, тĕрĕ тĕрлекенсем хăйсен ĕçĕсене кăтартаççĕ. Питĕшкассинчи культура ĕçченĕсем «Хĕлхеме» пухăннисене хаваслă концертпа савăнтарĕç.
В.ГЕНННАДЬЕВ.