22 сентября 2012 г.
Çуллахи каникул вăрăм пулсассăн та хăвăрт иртсе кайрĕ, çĕнĕ вĕренÿ çулĕ пуçланчĕ. Анчах та ачасем каникулта та кĕнекене алăран вĕçертмерĕç. Вĕсемшĕн Элĕкри ача-пăча библиотекин алăкĕсем çулла яриех уçă пулчĕç. Шкул программипе вуламалли кĕнекесене, ытти илемлĕ литературăна алла тытрĕç. Çĕнĕ кĕнекесемпе те хаваспах паллашрĕç.
Элĕкри вăтам шкулта кĕçĕн класра вĕренекен А.Суранова, В.Шлябина, Я.Семкина, А.Удякова, К.Якимова, Н.Ивановская, 7 «а» класра вĕренекен Е.Тайгильтова тата Н.Степанова çу каçипех библиотекăна çÿрерĕç. Кĕнеке хыççăн кĕнеке вуласа хăйсен тавракурăмне анлăлатрĕç.
Халĕ ачасем парта хушшине ларчĕç, уроксенче куллен пĕлĕве тарăнлатаççĕ.
С.ПОТАПОВА.