22 сентября 2012 г.
Ехремкассинчи информаципе культура центрĕ çумĕнчи А.Судман ертсе пыракан «Çамрăклăх» ĕç бригади районти конкурсра палăрнине пĕлтернĕччĕ.
Çул çитменнисен çу каçипе ĕç нумай пулнă: информаципе культура центрĕн территорине тасатнă, урамсенчи тата обществăлла вырăнсенчи тавралăха тирпей-илем кĕртнĕ, ÿссе кайнă йывăç-тĕмсене каснă, алăксене сăрланă тата ытти ĕçсене пурнăçланă.
«Çамрăклăх» ĕç бригадишĕн кашни кун интереслĕ те усăллă иртнĕ. Вĕсен ырă та пархатарлă ĕçне тивĕçлипе хаклани те кашнине çутă шанчăк кÿнĕ. Çитес çул та ĕç бригади йĕркелес ĕмĕт-тĕллев пур халĕ.
И.ФИЛИППОВ.