Публикации » Наци ыйтăвĕпе канашланă

22 сентября 2012 г.

Правительство çуртĕнче ЧР Министрсен Кабинечĕн Председателĕ – Республика Пуçлăхĕн администрацийĕн ертÿçи Александр Иванов ертсе пынипе республикăри нациальноçсен ĕçĕсен Канашĕн ларăвĕ иртнĕ. Унта хальхи вăхăтра хуласемпе районсенчи национальноçсен ĕçĕсен Канашĕсем еплерех ĕçленине пăхса тухнă тата Йĕпреç районĕнчи национальноçсен ĕçĕсен Канашĕн ĕçĕ-хĕлĕпе, вĕсен паха опычĕпе паллашнă.

«Раççей Федерацийĕн патшалăхăн наци политикин Концепцине Чăваш Республикинче пурнăçа кĕртесси çинчен» çумпрограммăн уйрăм мероприятийĕсем çинчен калаçнă май республикăн культура министрĕ Вадим Ефимов хамăр хутлăхра пурăнакан тĕрлĕ наци çыннисем хăйсене хăтлă туйнинчен вĕсем пĕр-пĕринпе килĕштерсе пурăнас шухăшлă пулнине палăртнă. Обществăри килĕшÿлĕхпе çирĕплĕх патшалăха ăнăçлă аталанма май парать.