17 октября 2012 г.
Тени шкулĕнче «Кĕнеке патшалăхĕ» ятпа экскурси иртнĕ. Пĕрремĕш класра вĕренекенсем класс ертÿçипе Надежда Андреевнăпа библиотека тăрăх çул çÿреве тухнă. Библиотекăн кашни залĕ ачасене нумай вăрттăнлăх уçса панă. Шкулта вĕренекенсем библиотека мĕншĕн кирлине, вулав залĕнче мĕнле кĕнекесем пулнине пĕлнĕ. Çавăн пекех кĕнекесемпе асăрханса усă курмаллине ăнланса илме пултарнă.
Ачасем библиотекăпа интересленсе паллашнă. Вĕсенче ырă кăмăл-туйăмсем çуратнă. Кашни вĕренекен хăй килĕштернĕ кĕнекене суйласа илнĕ. Ăна вуласа тухма шантарнă.
Кĕнеке çывăх тус юлташ пулнине ачасем аван ăнланаççĕ, çавăнпа та вĕсем вулама юратаççĕ, хăйсен тавра курăмне анлăлатаççĕ.
В.НИКИФОРОВ.