Публикации » Пĕчĕк пĕве – ял илемĕ

20 октября 2012 г.

Чăваш Сурăм шкулĕнчен инçех мар пĕчĕк пĕве пур. Пулă тытма юратакансем кунтан татăлма та пĕлмеççĕ, çу кунĕсенче ачасем шыва кĕреççĕ, пулă тытаççĕ. Пĕр сăмахпа, пĕве пурне те илĕртет. Пĕве çывăхĕнчи тавралăх татах та илемлĕрех пултăр тесе 2-мĕш класс ачисем Р.Соловьева вĕрентекен ертсе пынипе йывăç лартма тухнă. «Йывăç ларт та ăна упра» тĕллевпе вĕренекенсем йĕри-тавралăха симĕслетнĕ. Çапла вара ачасем йывăç лартакансен уявне ирттернĕ. Кун хыççăн çамрăк экологсем футболла вылянă. Çав кун иккĕмĕш класс ертÿçи ку мероприяти ачасене татах та туслă пулма пулăшнине палăртнă.