09 ноября 2012 г.
«Пурăн, сывлăхлă пул, сăваплă Раççей!» Çак сăвăпа тата театрализациленĕ номерсемпе пуçланчĕ Халăх пĕрлĕхĕн кунне халалланă концерт Элĕкри культурăпа кану центрĕнче. Концерт программи пуçланиччен курма килнисем умĕнче «Пĕрлĕхлĕ Раççей» партин вырăнти уйрăмĕн ертÿçин çумĕ Эдикт Волков сăмах каларĕ. Концерта хĕрарăмсемпе арçынсен ансамблĕсем, икшерĕн юрлакансем, солистсем, «Грация» тата «Штрих Код» ташă студийĕсен пултарулăх ушкăнĕсем хутшăнчĕç. Репертуарта, тĕпрен илсен, патриотла юрăсем янăрарĕç. Арçынсен тата хĕрарăмсен вокал ансамблĕ юрăсем ăста юрласа тĕлĕнтерчĕ. Илĕртÿллĕ те хаваслă ташăсем те курма килнисен кăмăлне çĕклерĕç.
Г.ГЕННАДЬЕВ.