12 августа 2013 г.
Кил-çуртпа коммуналлă хуçалăх пулăшăвĕшĕн тÿлемешкĕн уйрăм категорири
граждансен субсиди илме ирĕк пур. Анчах пĕтĕмĕшле çемье тупăшĕн 22 ытла проценчĕ
кил-çуртпа коммуналлă хуçалăх пулăшăвĕшĕн тÿлемешкĕн тухса каять пулсан кăна.
Укçан пулăшу илес текенсен вырăнти социаллă хÿтлĕх пайне кайса тĕплĕнрех
ыйтса пĕлмелле. Пĕтĕмĕшле илсен, Чăваш Республикин Сывлăх сыхлавĕпе социаллă
аталану министерствин кăтартăвĕсемпе, иртнĕ çул çак тĕллеве пурнăçлама 258
миллион тенкĕ уйăрнă, çакă малтанхи çулпа танлаштарсан, 2,6 процент ытларах. 24
пин çемье асăннă субсидие тивĕçнĕ. 2013 çулта кил-çуртпа коммуналлă хуçалăх
пулăшăвĕшĕн тÿлемешкĕн Чăваш Енре пурăнакан 27 пин ытла çемье субсидие тивĕçĕ.