28 августа 2013 г.
Чăваш Республикин ял хуçалăх министрĕн çумĕ Н.П. Якимов районти вырма
ĕçĕсемпе паллашрĕ. Вăл чи малтанах «Журавлев» фермер хуçалăхĕн çĕр улми уйĕнче
пулчĕ. Кунта «иккĕмĕш çăкăра» 200 гектар çинче лартнă. Çĕр улмие хальлĕхе 40
гектар ытла пухса кĕртнĕ ĕнтĕ. Тухăç – 105 центнер.
Николай Петрович Ульянов ячĕллĕ хуçалăха та çитсе килчĕ. Кунта вырма ĕçĕсене
вĕçленĕ. Тĕш тырăсемпе пăрçа йышши культурăсене 510 гектар çинчен пухса кĕртнĕ.
Кĕрхисене акма та тухнă. Уй-хирте 2 агрегат ĕçлет.
Районĕпе илсен, «иккĕмĕш çăкăра» 200 гектар ытла пуçтарнă.