09 сентября 2013 г.
Вĕренÿре, пултарулăх ĕçĕнче ăста та кăтартуллă çамрăксемпе студентсене ятарлă
стипендипе тивĕçтермешкĕн документсем йышăнма пуçланă.
ЧР Президенчĕн 2002 çулхи пуш уйăхĕн 6-мĕшĕнчи «Çамрăк граждансене патшалăх
пулăшăвĕ парасси çинчен» йышăннă указĕпе килĕшÿллĕн, çакăн пек стипендие
вĕренÿре, ăслăлăхра, производствăра, пултарулăхпа управлени ĕçĕсенче, спортра,
общество ĕçĕ-хĕлĕнче, бизнеспа проектра пысăк çитĕнÿсем тунă 14-30 çулсенчи
çамрăксем илме пултараççĕ.
Стипендие тивĕçмелли кандидатурăсене Чăваш Республикин ĕç тăвакан тата
вырăнти хăй тытăмлăх органĕсем, çавăн пекех федерацин территори органĕсем
суйласа илеççĕ.
Президент стипендине тивĕçмелли документсене район администрацийĕн вĕренÿ,
социаллă аталану, çамрăксен политики тата спорт пайĕнче авăн уйăхĕн 16-мĕшĕччен
йышăнаççĕ.