18 сентября 2013 г.
Сентябрĕн 3-мĕшĕнчен пуçласа 10-мĕшĕччен Краснодар тăрăхĕнчи Темрюк хулинче
Пĕтĕм тĕнчери фольклор фестивалĕ пулчĕ. Вăл «Ăрусен кĕвви-сасси. Темрюк-2013»
ятпа иртрĕ. Унта Беларусь, Чăваш Республики, Ханты-Манси автономи округĕ,
Челябинск, Мускав, Томск, Ростов облаçĕсен, çавăн пекех Краснодар тăрăхĕнчи вунă
муниципалитетăн коллективĕсем активлăхпа палăрчĕç. Пирĕн районти культурăпа кану
центрĕн «Валинке» фольклор ансамблĕ тата Пăрачкав районĕнчи «Поречанка» халăх
ансамблĕсем Чăваш Республикин чысне хÿтĕлерĕç. «Валинке» фольклор ансамблĕ
«Вăйă, йăла-йĕрке программисем» номинацире пĕрремĕш вырăн çĕнсе илчĕ. «Фольклор
ансамблĕ» номинацире вара хăйĕн пултарулăхне пур енлĕн кăтартса иккĕмĕш
степеньлĕ диплома тивĕçрĕ, лауреат пулса тăчĕ.
И.НИКИФОРОВ.